Henry með boð frá Bordeaux

Thierry Henry er með boð frá franska liðinu Bordeaux um að verða næsti stjóri liðsins en þetta herma heimildir Sky Sorts.

Þessi 41 árs gamli fyrrum framherji Arsenal hefur beðið um tíma frá Bordeaux og ætlar að hugsa málið um helgina. Síðan ætlar hann að taka ákvörðun.

Henry hafði undanfarin ár starfað sem sparkspekingur á Sky en hætti því í sumar til þess að einbeita sér að þjálfaraferlinum.

Hann var mikið orðaður við stjórastöðuna hjá Aston Villa en þrátt fyrir eigendaskipti hélt Steve Bruce stjórastólnum þar föstum.

Hann hefur einnig starfað sem aðstoðarmaður Roberto Mancini síðan 2016 hjá belgíska landsliðinu og var í þjálfarateyminu hjá Belgíu sem fór í undanúrslit á HM í sumar.

Mikið hefur gengið á hjá Bordeaux. Gus Poyet var látinn fara eftir að hann hraunaði yfir stjórnina fyrir að selja einn aðal framherja liðsins og nú leitar liðið að nýjum stjóra.