Rafmagnslaust var í hluta Kópavogs

Uppfært: Rafmagn er aftur komið á.

Rafmagnslaust er í hluta Kópavogs vegna háspennubilunar en unnið er að viðgerð.

Í tilkynningu á vef Veitna segir að vonast sé til að rafmagn verði komið aftur á innan stundar.

Kópavogsbúum er bent á að slökkva á rafmagnstækjum sem ekki slökkva á sér sjálf og geta valdið tjóni þegar rafmagn kemur á að nýju. Það á sérstaklega við um eldavélar, mínútugrill og fleiri hitunartæki. Eins er ráðlagt að slökkva á viðkvæmum tækjum á borð við sjónvörp.

Uppfært 23:45. Samkvæmt Veitum er viðgerðum lokið og rafmagn aftur komið á.