Erling Braut Håland, leikmaður Red Bull Salzburg, sefur með boltana fimm sem hann hefur fengið fyrir þrennurnar sem hann hefur skorað á tímabilinu.
„Ég sef með boltana fimm sem ég skoraði þrennurnar með. Ég horfi á þá á hverjum degi. Þeir eru kærusturnar mínar,“ sagði norska ungstirnið við Dagbladet.
Ekki nóg með það heldur spilar vekjaraklukkan í símanum hans Meistaradeildarlagið fræga.
„Ég vakna við Meistaradeildarlagið á hverjum einasta degi. Það er síðasta lagið sem ég fæ leið á,“ sagði hinn 19 ára Håland.
Á þessu tímabili hefur Håland skorað 26 mörk í 18 leikjum í öllum keppnum með Salzburg, þar af fimm þrennur. Hann er markahæstur í Meistaradeildinni með sjö mörk.
Sefur með boltana fimm sem hann hefur skorað þrennu með
Tengd skjöl
Tengdar fréttir
Håland langt á undan Messi og Ronaldo og verðmiðinn hækkar
Norðmaðurinn Erling Braut Håland hélt áfram að skrifa söguna í Meistaradeildinni í gær þegar hann skoraði fyrir Red Bull Salzburg í fjórða Meistaradeildarleiknum í röð.
Fimmta þrenna norska ungstirnisins í vetur
Erling Braut Haaland er líklega eftirsóttasti sóknarmaður Evrópu um þessar mundir.
