United reynir við Håland í janúar

Ástrós Ýr Eggertsdóttir skrifar 16. nóvember 2019 10:30

Håland er einn heitasti bitinn á markaðnum í dag vísir/getty

Manchester United mun reyna að fá Erling Håland til sín í janúar eftir frábæra frammistöðu hans með Salzburg í vetur.

Håland er orðinn einn eftirsóttasti leikmaður heims eftir frábæra byrjun á tímabilinu. Hann hefur skorað 26 mörk í 18 leikjum, þar af sjö í fjórum Meistaradeild Evrópu.

United vill reyna við hann strax í janúar samkvæmt ESPN því óttast er að ef þeir bíði fram á sumar þá verði verðmiðinn orðinn mun hærri og fleiri lið gætu reynt að hrifsa hann af þeim.

Ole Gunnar Solskjær hefur haft augastað á Håland í þó nokkurn tíma, enda vann hann með framherjanum hjá Molde.

Salzburg er sagt vilja 85 milljónir punda fyrir Norðmanninn.

Enski boltinn

Tengdar fréttir

Solskjær býst kannski við tveimur kaupum í janúar en aðalfjörið verður í sumar

Ole Gunnar Solskjær, knattspyrnustjóri Manchester United, var spurður út í það hvað félagið ætli að gera í leikmannamálum sínum í janúarglugganum. Hver leikmaðurinn á fætur öðrum er orðaður við Old Trafford en hver er stefna norska stjórans?

7.11.2019 11:30

Håland langt á undan Messi og Ronaldo og verðmiðinn hækkar

Norðmaðurinn Erling Braut Håland hélt áfram að skrifa söguna í Meistaradeildinni í gær þegar hann skoraði fyrir Red Bull Salzburg í fjórða Meistaradeildarleiknum í röð.

6.11.2019 09:00

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.