Enrique tekinn aftur við spænska landsliðinu
Luis Enrique hefur verið ráðinn þjálfari spænska karlalandsliðsins í fótbolta, fimm mánuðum eftir að hann hætti með liðið.
BREAKING: Luis Enrique returns as Spain manager ahead of EURO 2020pic.twitter.com/rk7hgptQQE
— ESPN FC (@ESPNFC) November 19, 2019
Enrique steig frá borði í júlí á þessu ári vegna veikinda dóttur hans, Xana. Hún lést í lok ágúst, níu ára að aldri.
Roberto Moreno, sem var aðstoðarmaður Enriques, tók við landsliðinu. Spánn vann sjö af níu leikjum undir hans stjórn og tryggði sér sæti á EM 2020.
Moreno stýrði Spánverjum í síðasta sinn í gær þegar þeir unnu Rúmena, 5-0, í Madríd. Moreno ræddi ekki við fjölmiðla eftir leikinn og samkvæmt El Mundo var hann grátandi er hann yfirgaf Wanda Metropolatino, heimavöll Atlético Madrid.
Þrátt fyrir að þeir hafi áður starfað saman vildi Enrique ekki hafa Moreno sem sinn aðstoðarmann.
Enrique stýrði Spáni í sjö leikjum á árunum 2018-19. Fimm þeirra unnust og tveir töpuðust.
Tengdar fréttir
Luis Enrique að taka aftur við spænska landsliðinu
Blaðamannafundur hjá spænska knattspyrnusambandinu í hádeginu.
Níu ára dóttir Luis Enrique lést eftir baráttu við krabbamein
Sorgarfréttir frá Spáni í kvöld en Luis Enrique greindi frá þessu á Twitter síðu sinni í kvöld.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
