Enn einn sigurinn hjá Wolfsburg
Wolfsburg hélt áfram sigurgöngu sinni í þýsku úrvalsdeildinni í fótbolta í dag.
Sara Björk Gunnarsdóttir var að vanda í byrjunarliði Wolfsburg sem sótti Frankfurt heim.
Fridolina Rolfo og Pernille Harder skoruðu sitt hvort markið undir lok fyrri hálfleiks og komu gestunum í Wolfsburg í þægilega stöðu.
Sophia Kleinherne hjá Frankfurt varð svo fyrir því óláni að skora sjálfsmark í upphafi seinni hálfleiks.
Fleirri urðu mörkin ekki, 3-0 sigur Wolfsburg sem er enn með fullt hús stiga á toppi deildarinnar.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
