Innlent

Piltarnir sammála um að ágreiningur hafi komið upp

Kristín Ólafsdóttir skrifar
Salaskóli í Kópavogi.
Salaskóli í Kópavogi. Fréttablaðið/Vilhelm

Lögregla fann hvorki hnífa né barefli í tengslum við átök unglingspilta við Salaskóla í Kópavogi í gær. Þá voru engir sjáanlegir áverkar á neinum piltanna, sem voru þó sammála um að ágreiningur hefði komið upp þeirra á milli. Þetta kemur fram í tilkynningu frá lögreglunni á höfuðborgarsvæðinu.

Lögreglu barst tilkynning um málið á níunda tímanum í gærkvöldi. Haft var eftir tilkynnanda að hafnaboltakylfur, hnífar og hnúajárn hefðu sést þar á lofti.

Í tilkynningu sem lögregla sendi frá sér í morgun segir að brugðist hafi verið skjótt við og lögreglumenn haldið þegar á vettvang. Þegar lögreglu bar að garði voru átökin yfirstaðin. Rætt var við nokkra hlutaðeigandi og þeim síðan ekið til síns heima, þar sem rætt var við foreldra þeirra.

„Engir sjáanlegir áverkar voru á neinum piltanna sem komu við sögu og hvorki hnífar né barefli fundust í tengslum við málið. Unglingarnir voru sammála um að til deilna hefði komið en sitt sýndist hverjum um atburðarásina,“ segir í tilkynningu lögreglu.

Málið er í rannsókn og unnið í samráði við barnaverndaryfirvöld.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.