Danmerkurmeistarar F.C. København hafa áhuga á Birki Bjarnasyni. BT greinir frá.



Birkir hefur verið án félags síðan hann yfirgaf Aston Villa í sumar.



Samkvæmt heimildum BT hafa nokkur lið í dönsku úrvalsdeildinni áhuga á íslenska landsliðsmanninum, þ.á.m. FCK og Midtjylland.



Þótt búið sé að loka félagaskiptaglugganum geta félög enn samið við samningslausa leikmenn.



Birkir, sem er 31 árs, lék báða leiki Íslands í undankeppni EM 2020 fyrr í þessum mánuði.