Lífið

Safna heimildum fyrir mynd um Jóhann Jóhannsson sem hefði orðið fimmtugur í dag

Stefán Árni Pálsson skrifar
Jóhann fannst látin á heimili sínu í Berlín þann 9. febrúar 2018.
Jóhann fannst látin á heimili sínu í Berlín þann 9. febrúar 2018.
Í dag, 19. september 2019, hefði tónskáldið Jóhann Jóhannsson orðið fimmtugur.



Framleiðslufyrirtækið Join Motion Pictures undirbýr nú heimildarmynd í fullri lengd um Jóhann undir vinnuheitinu 123 Forever: Jóhann Jóhannsson.



Höfundar og leikstjórar myndarinnar eru Kira Kira, Orri Jónsson og Davíð Hörgdal Stefánsson og er myndin gerð í fullu samráði við fjölskyldu, vini og samstarfsfélaga Jóhanns.



Ferill Jóhanns var langur og einstakur, bæði í eigin tónlistarsköpun, kvikmyndagerð og ótal samstarfsverkefnum um allan heim.



„Það er ætlun okkar að gera ferli hans ítarleg og metnaðarfull skil og varpa skapandi ljósi á vinnubrögð og heimspeki þessa magnaða listamanns. Umfangsmikil heimildasöfnun stendur nú yfir og öllum ábendingum um efni er vísað til 123forever@jmp.is,“ segir í tilkynningu frá framleiðendum. 

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.