Fótbolti

Klopp talar niður væntingar til Liverpool

Henry Birgir Gunnarsson skrifar
Klopp veit að það er búist við miklu af hans liði í vetur.
Klopp veit að það er búist við miklu af hans liði í vetur. vísir/getty

Það verður dregið í riðla fyrir Meistaradeildina í dag. Liverpool á titil að verja og stjóri liðsins, Jürgen Klopp, er spar á stórar yfirlýsingar. Hann gerir ekki endilega ráð fyrir því að endurtaka leikinn.

„Að sjálfsögðu hefði ég ekkert á móti því að komast aftur í úrslitaleikinn en á þessari stundu er ég ekkert viss um að það gerist,“ sagði Klopp en ensku liðin voru best í keppninni á síðustu leiktíð og úrslitaleikurinn var enskur.

„Við eigum sama möguleika og hinir en það er allt og sumt. Ég get ekki séð að ensku liðin verði með yfirburði í ár. Það er fullt af frábærum liðum sem eiga möguleika.“

Liverpool verður í efsta styrkleikaflokki í drætti dagsins ásamt Chelsea og Man. City. Það eru mjög sterk lið í öðrum styrkleikaflokki eins og Real og Atletico Madrid ásamt Tottenham.

„Ég hef aldrei séð annan styrkleikaflokk svona sterkan. Öll þessi lið eiga að vera í fyrsta en það er bara ekki pláss,“ sagði Klopp.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.