Erlent

Jeffrey Epstein framdi sjálfsvíg í fangelsi

Hallgerður Kolbrún E. Jónsdóttir skrifar
Epstein (f.m.) þegar hann var handtekinn á Flórída árið 2008. Hann átti yfir höfði sér lífstíðarfangelsi fyrir brotin sem hann var sakaður um en saksóknarar felldu niður ítarlega ákæru gegn honum.
Epstein (f.m.) þegar hann var handtekinn á Flórída árið 2008. Hann átti yfir höfði sér lífstíðarfangelsi fyrir brotin sem hann var sakaður um en saksóknarar felldu niður ítarlega ákæru gegn honum. AP/Uma Sanghvi/Palm Beach Post
Jeffrey Epstein framdi sjálfsvíg í fangelsi, samkvæmt fréttaflutningi fréttastofu ABC. Hann fannst látinn í klefa sínum klukkan 7:30 á staðartíma á laugardagsmorgun.



Nákvæm dánarorsök er ekki þekkt.



Epstein hefur verið ákærður fyrir kynlífsþrælkun. Honum var haldið í fangelsi í New York ríki síðan hann var handtekinn þann 6. júlí. Hann lýsti yfir sakleysi í öllum ákæruliðum.



Í síðasta mánuði fannst hann hálf-meðvitundarlaus í klefa sínum og var hann slasaður á hálsi. Hann var sendur á nálægan spítala, áður en hann var fluttur aftur í fangaklefann.



Epstein var sakaður um að hafa greitt ólögráða stúlkum fyrir kynlíf á heimilum hans í Manhattan og Flórída á árunum 2002 til 2005.



Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið. Nánari upplýsingar hér.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.