Stendur á fimmtugu og fagnar með afmælisbúbli Davíð Stefánsson skrifar 16. ágúst 2019 08:00 Valur hefur hlotið mörg verðlaun og tilnefningar FBL/ERNIR Leikarinn Valur Freyr Einarsson er flestum Íslendingum að góðu kunnur úr ótal bíómyndum, sjónvarpsþáttum og leikritum í Þjóðleikhúsinu og Borgarleikhúsinu. Hann ætlar að fagna með vinum og vandamönnum í tilefni dagsins og bjóða upp Valur Freyr fæddist þann 16. ágúst árið 1969, yngstur fimm bræðra. Fyrstu tvö árin bjó hann í Fossvoginum í Reykjavík en fjölskylda hans flutti síðan í Garðabæ. Eftir grunnskóla fylgdi hann eldri bróður sínum í Menntaskólann í Reykjavík og stefndi á læknisfræði við Háskóla Íslands. En á menntaskólaárunum fékk hann áhuga á íslensku og bókmenntum. Eftir að hafa tekið virkan þátt í Herranótt, leiklistarfélagi MR, fór hugurinn að leita á önnur mið og leiklistin togaði í hann. Á grunnskólaárunum í Flataskóla í Garðabæ lék Valur kotbóndann Jón í leikritinu Gullna hliðið. Það breytti miklu, því þá fékk hann í fyrsta sinn þá tilfinningu að leiklist væri skemmtilegt fyrirbæri. „Við mamma hlustuðum á Útvarpsleikshúsið í útvarpinu öll fimmtudagskvöld og ég sat alveg límdur yfir því,“ segir Valur. Valur nam leiklist við Manchester Metropolitan School of Theatre og útskrifaðist árið 1995. Frá útskrift hefur hann einkum starfað í Þjóðleikhúsinu og Borgarleikhúsinu. Hann er annar stofnenda CommonNonsense sem hefur framleitt leikhúsverkefni frá árinu 2001, meðal annars verkin Forðist okkur, Tengdó og Dagbók jazzsöngvarans. Meðal verkefna Vals í Borgarleikhúsinu má nefna söngleikinn Litlu hryllingsbúðina, Elsku barn, Tengdó, Dúkkuheimili, Njálu, Mamma Mia!, 1984 og Himnaríki og helvíti. Hann hefur leikstýrt í Þjóðleikhúsinu og skrifað þrjú verk sem hafa verið sýnd í atvinnuleikhúsi. Valur hefur leikið í fjölda sjónvarpsþátta, stuttmynda og kvikmynda. Má þar nefna Vonarstræti, Undir trénu, Hæ Gosi 3 og Ófærð 2. Auk þess hefur hann talað inn á tugi mynda og sjónvarpsþátta. Í gegnum árin hefur Valur hlotið mörg verðlaun og tilnefningar. Hann hlaut Grímuverðlaunin fyrir leik í bæði Tengdó og 1984 og árið 2012 var hann valinn leikskáld ársins. Hann hefur einnig hlotið Grímutilnefningar fyrir leik í Heddu Gabler, Dúkkuheimili og einleiknum Allt sem er frábært. „Leiklistin er langhlaup,“ segir Valur. „Maður lærir af mistökum og þroskast, bæði sem manneskja og listamaður. Þetta þarf að fara saman og er mikil vinna. Ekkert er fyrirhafnarlaust.“ Eiginkona Vals er Ilmur Stefánsdóttir, myndlistarkona og leikmyndahönnuður. „Við hittumst á nýársdansleik á Borginni sálugu um áramótin 1991 til 1992. Þetta var ást við fyrstu sýn,“ segir Valur og bætir við að sú ást hafi haldið. Þau eiga saman fjögur börn, Sölku 24 ára, Ísak 22 ára, Gretti 17 ára og Grímu 14 ára. Valur segir ómetanlegt að eiga skilningsríkan og þolinmóðan maka og fjölskyldu. „Þetta starf veldur stundum álagi á fjölskylduna. Ég er mikið að heiman á kvöldin og um helgar í vinnu, sem reynir á, bæði tilfinningalega og líkamlega,“ segir hann.Hvað með áhugamál? „Þau eru flest tengd listum, leikhúsið, myndlist og tónlist og svo horfir maður á milli fingra sér á Arsenal í enska boltanum. Skíði eru í miklu uppáhaldi hjá okkur fjölskyldunni og önnur góð samvera.“Hvað á að gera í tilefni dagsins? „Ég verð með 50 ára „afmælisbúbl“ heima ef veður leyfir. Ég er að vonast til að fá vini mína og vandamenn til að skála við mig í tilefni dagsins. Þetta verður afslappaður, brosandi föstudagsbröns með búbli og berjum, kaffi og djús, döðlum og blöðrum en fyrst og fremst frábærum vinum,“ segir afmælisbarnið brosandi. Birtist í Fréttablaðinu Leikhús Tímamót Mest lesið Heyrt kjaftasögurnar um eldri mennina sem stýri henni Lífið Sjö hættulegar gryfjur fyrir hjón og pör að falla í Áskorun Japaninn sló heimsmet í Hlíðarfjalli Lífið Lekker hæð listakonu til sölu Lífið Ekki lengur smeykur við að deila kastljósinu með Katrínu Lífið Frumsýning á Vísi: Fyrsta stiklan úr Snertingu Bíó og sjónvarp Björgólfur og Skúli í stuði í Feneyjum Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið „Stundum finnst mér ég getað sigrað heiminn“ Lífið Fleiri fréttir Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Stjörnulífið: „Þá er maður bara að sigla inní 17. mánuðinn á þessari meðgöngu“ Ragga Gísla útskýrir gjörninginn Fred Armisen kemur til Íslands Stjörnum hlaðið partý: Viktoría Beckham á hækjum í fimmtugsafmælinu Myndaveisla: Athafnakonur fögnuðu 25 ára afmæli á Edition Sjá meira
Leikarinn Valur Freyr Einarsson er flestum Íslendingum að góðu kunnur úr ótal bíómyndum, sjónvarpsþáttum og leikritum í Þjóðleikhúsinu og Borgarleikhúsinu. Hann ætlar að fagna með vinum og vandamönnum í tilefni dagsins og bjóða upp Valur Freyr fæddist þann 16. ágúst árið 1969, yngstur fimm bræðra. Fyrstu tvö árin bjó hann í Fossvoginum í Reykjavík en fjölskylda hans flutti síðan í Garðabæ. Eftir grunnskóla fylgdi hann eldri bróður sínum í Menntaskólann í Reykjavík og stefndi á læknisfræði við Háskóla Íslands. En á menntaskólaárunum fékk hann áhuga á íslensku og bókmenntum. Eftir að hafa tekið virkan þátt í Herranótt, leiklistarfélagi MR, fór hugurinn að leita á önnur mið og leiklistin togaði í hann. Á grunnskólaárunum í Flataskóla í Garðabæ lék Valur kotbóndann Jón í leikritinu Gullna hliðið. Það breytti miklu, því þá fékk hann í fyrsta sinn þá tilfinningu að leiklist væri skemmtilegt fyrirbæri. „Við mamma hlustuðum á Útvarpsleikshúsið í útvarpinu öll fimmtudagskvöld og ég sat alveg límdur yfir því,“ segir Valur. Valur nam leiklist við Manchester Metropolitan School of Theatre og útskrifaðist árið 1995. Frá útskrift hefur hann einkum starfað í Þjóðleikhúsinu og Borgarleikhúsinu. Hann er annar stofnenda CommonNonsense sem hefur framleitt leikhúsverkefni frá árinu 2001, meðal annars verkin Forðist okkur, Tengdó og Dagbók jazzsöngvarans. Meðal verkefna Vals í Borgarleikhúsinu má nefna söngleikinn Litlu hryllingsbúðina, Elsku barn, Tengdó, Dúkkuheimili, Njálu, Mamma Mia!, 1984 og Himnaríki og helvíti. Hann hefur leikstýrt í Þjóðleikhúsinu og skrifað þrjú verk sem hafa verið sýnd í atvinnuleikhúsi. Valur hefur leikið í fjölda sjónvarpsþátta, stuttmynda og kvikmynda. Má þar nefna Vonarstræti, Undir trénu, Hæ Gosi 3 og Ófærð 2. Auk þess hefur hann talað inn á tugi mynda og sjónvarpsþátta. Í gegnum árin hefur Valur hlotið mörg verðlaun og tilnefningar. Hann hlaut Grímuverðlaunin fyrir leik í bæði Tengdó og 1984 og árið 2012 var hann valinn leikskáld ársins. Hann hefur einnig hlotið Grímutilnefningar fyrir leik í Heddu Gabler, Dúkkuheimili og einleiknum Allt sem er frábært. „Leiklistin er langhlaup,“ segir Valur. „Maður lærir af mistökum og þroskast, bæði sem manneskja og listamaður. Þetta þarf að fara saman og er mikil vinna. Ekkert er fyrirhafnarlaust.“ Eiginkona Vals er Ilmur Stefánsdóttir, myndlistarkona og leikmyndahönnuður. „Við hittumst á nýársdansleik á Borginni sálugu um áramótin 1991 til 1992. Þetta var ást við fyrstu sýn,“ segir Valur og bætir við að sú ást hafi haldið. Þau eiga saman fjögur börn, Sölku 24 ára, Ísak 22 ára, Gretti 17 ára og Grímu 14 ára. Valur segir ómetanlegt að eiga skilningsríkan og þolinmóðan maka og fjölskyldu. „Þetta starf veldur stundum álagi á fjölskylduna. Ég er mikið að heiman á kvöldin og um helgar í vinnu, sem reynir á, bæði tilfinningalega og líkamlega,“ segir hann.Hvað með áhugamál? „Þau eru flest tengd listum, leikhúsið, myndlist og tónlist og svo horfir maður á milli fingra sér á Arsenal í enska boltanum. Skíði eru í miklu uppáhaldi hjá okkur fjölskyldunni og önnur góð samvera.“Hvað á að gera í tilefni dagsins? „Ég verð með 50 ára „afmælisbúbl“ heima ef veður leyfir. Ég er að vonast til að fá vini mína og vandamenn til að skála við mig í tilefni dagsins. Þetta verður afslappaður, brosandi föstudagsbröns með búbli og berjum, kaffi og djús, döðlum og blöðrum en fyrst og fremst frábærum vinum,“ segir afmælisbarnið brosandi.
Birtist í Fréttablaðinu Leikhús Tímamót Mest lesið Heyrt kjaftasögurnar um eldri mennina sem stýri henni Lífið Sjö hættulegar gryfjur fyrir hjón og pör að falla í Áskorun Japaninn sló heimsmet í Hlíðarfjalli Lífið Lekker hæð listakonu til sölu Lífið Ekki lengur smeykur við að deila kastljósinu með Katrínu Lífið Frumsýning á Vísi: Fyrsta stiklan úr Snertingu Bíó og sjónvarp Björgólfur og Skúli í stuði í Feneyjum Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið „Stundum finnst mér ég getað sigrað heiminn“ Lífið Fleiri fréttir Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Stjörnulífið: „Þá er maður bara að sigla inní 17. mánuðinn á þessari meðgöngu“ Ragga Gísla útskýrir gjörninginn Fred Armisen kemur til Íslands Stjörnum hlaðið partý: Viktoría Beckham á hækjum í fimmtugsafmælinu Myndaveisla: Athafnakonur fögnuðu 25 ára afmæli á Edition Sjá meira