Innlent

Norðan­áttin að „leggja upp laupana“ og bjart­viðri í kortunum

Sylvía Hall skrifar
Það er von á bjartviðri næstu daga fyrir sunnan og vestan.
Það er von á bjartviðri næstu daga fyrir sunnan og vestan. Vísir/Vilhelm

Það er ekki útlit fyrir háar úrkomutölur í vikunni þar sem lægðirnar virðast ekki ná að komast með góðu móti inn á landið. Þetta kemur fram í hugleiðingum veðurfræðings þar sem segir jafnframt að norðanáttin sé að leggja upp laupana og í kortunum sé því óráðið veður.

Útlit er þó fyrir dálitla vætu norðaustantil og hiti á bilinu 6 til 11 stig. Bjartviðri verður sunnan- og vestanlands með austlægri átt og gætu hitatölur náð allt að 16 stigum. Næstu daga má gera ráð fyrir því að hlýjast verði á Suður- og Vesturlandi og hiti allt að 17 stigum.

Um helgina má búast við 9 til 15 stiga hita á landinu báða daga svo veðrið ætti að leika við maraþonhlaupara í miðborginni á Menningarnótt. Á laugardag er von á breytilegri átt og björtu veðri víða á landinu en stöku skúrum síðdegis vestantil. Á sunnudag má búast við lítilsháttar vætu suðvestantil en þurrt og bjart annarsstaðar.

Veðurhorfur á landinu næstu daga

Á miðvikudag:
Austan 3-10 og 10-15 með suðurströndinni. Skýjað með köflum, en rigning syðst á landinu. Hiti 8 til 17 stig, hlýjast vestanlands.

Á fimmtudag:
Fremur hæg austan átt. Dálítil ringing austantil á landinu en bjartviðri vestanlands. Hiti frá 8 stigum með austurströndinni upp í 17 stig vestanlands.

Á föstudag:
Norðaustan 5-10 og dálítil rigning eða súld norðan- og austantil, en hægari vindur og stöku skúrir um landið suðvestanvert. Hiti 8 til 17 stig, hlýjast sunnanlands.

Á laugardag:
Hæg breytileg átt og víða bjart veður, en stöku síðdegis skúrir vestantil. Hiti 9 til 15 stig.

Á sunnudag:
Útlit fyrir suðaustanátt 5-10 m/s. Lítilsháttar væta suðvestantil á landinu en þurrt og bjart annarsstaðar. Hiti breytist lítið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.