Lífið

Ágústspá Siggu Kling - Tvíburarnir: Tileinkaðu þér að gera hlutina strax

Sigga Kling skrifar

Elsku Tvíburinn minn, það hefur verið mikið að gerast og þú ert að fara inn í tímabil þar sem þú nærð framúrskarandi árangri á örskammri stundu. Tileinkaðu þér að gera hlutina strax, því það er í raun eini tíminn sem þú hefur, því það sem pirrar þig mest er þegar þú frestar hlutunum. Láttu þig hafa það að vaða í það sem þú vilt helst ekki, ef þú gerir það ekki gætirðu orðið kvíðinn og það er svo afskaplega leiðinlegt að leika sér við hann.

Þú hefur svo mikla unun af því að elska, bæði hluti sem gleðja sálina, fólk sem gleður huga og sál og allt þar á milli, og ástin er að eflast í allri sinni mynd á næstu mánuðum svo þú skalt þora að taka áhættu í öllu því sem skapar ævintýri því þá ertu svo sannarlega í essinu þínu.

Hugsaðu vel um það hver verðskuldar ást þína, skoðaðu kostina og alveg frá hjartanu hvað þú raunverulega vilt. Að sjálfsögðu hefurðu brennt þig í fortíðinni í einhverju ævintýri, en það skapaði þó sögu og gerði líf þitt og ekki óttast sársauka því þú ert með mikinn og sterkan verndarengil sem leiðir þig í gegnum lífið.

Þér á eftir að græðast fé hraðar en auga á festir, passaðu samt upp á peningana þína því þeir gefa þér visst afl til að ná árangri og koma þér þangað sem þú vilt. Ef þú opnar augun betur þá ertu að fá upp í hendurnar möguleika sem styrkja sjálfan þig og þú munt sjá þig í betra ljósi. Þú finnur hinn einlæga vilja til að semja um frið og þýtur þar af leiðandi áfram eins og þú værir í eldflaug þannig að þér á ekki eftir að leiðast eina mínútu af eftirlifandi sumri, því útkoman er skemmtilegar sögur, góðir vinir og gæfa.

Knús og kossar, Sigga Kling
 

Tvíburar 21. maí - 21. júní

Örn Árnason leikari, 19, júní 
Össur Skarphéðinsson húmoristi, 19. júní 
Páll Magnússon þingmaður , 17. júní 
Kjartan Atli Kjartansson fjölmiðlamaður, 23. maí 
Heimir Hallgrímsson knattspyrnuþjálfari, 10. júní 
Donald Trump, Bandaríkjaforseti, 14. júní 
Bjartmar Guðlaugsson, söngvari og snillingur, 13. júní 
Dagur B. Eggertsson, 19. júní 
Jóhann Kristófer Stefánsson, tónlistarmaður 12. júní 
Aníta Briem, leikkona, 29. maí 
Ingó Veðurguð, tónlistarmaður, 31. maí 
Joan Rivers, leikkona, 8. júní 
Marilyn Monroe, 1. júní 
Selma Björnsdóttir, 13. júní 
Sunna Rannveig Davíðsdóttir, bardagakona, 21. júní



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.