Beyoncé gefur út nýtt lag úr The Lion King

Stórstjarnan Beyoncé gaf í dag út nýtt lag sem verður hluti af væntanlegri kvikmynd Disney um Konung ljónanna eða The Lion King.

Lagið sem ber nafnið Spirit hefur hlotið góðar undirtektir og mun eflaust gera marga aðdáendur Beyoncé enn spenntari fyrir stórmyndinni, þar sem Beyoncé sjálf mun ljá ljónynjunni Nölu rödd sína.

Kvikmyndin sem byggð er á einni þekktustu teiknimynd Walt Disney samsteypunnar frá upphafi, mun ásamt henni skarta stórstjörnum á borð við Donald Glover, Keegan-Michael Key og Seth Rogen.