Innlent

Bráðvantar blóð í O-flokkunum

Sunna Kristín Hilmarsdóttir skrifar
Ljósmyndari Vísis kíkti í Blóðbankann í dag þar sem þessi blóðgjafi hafði svarað kallinu.
Ljósmyndari Vísis kíkti í Blóðbankann í dag þar sem þessi blóðgjafi hafði svarað kallinu. vísir/vilhelm

Blóðbankann bráðvantar nú blóð í O-flokkunum, O mínus og O plús. Um er að ræða algengustu blóðflokkanna auk þess sem allir geta fengið gjöf með O mínus.

„Oft á þessum tíma erum við að reyna að minna fólk á að koma til okkar þrátt fyrir sumarfríin,“ segir Vigdís Jóhannsdóttir, hjúkrunarfræðingur í Blóðbankanum, í samtali við Vísi.

Blóðbankinn sendi einnig út ákall til blóðgjafa í síðustu viku og segir Vigdís að svörunin hafi þá verið nokkuð góð. Enn sé þó greinilega áframhaldandi notkun á blóði.

„Við viljum helst að fólk komi til okkar jafnt og þétt og það er bæði hægt að gefa á Snorrabrautinni og á Glerártorgi ef fólk er á ferðalagi fyrir norðan,“ segir Vigdís og bendir á að upplýsingar um opnunartíma má nálgast á vef Blóðbankans.

Í dag sé markmiðið að fá inn 100 blóðgjafa og segir Vigdís að það markmið ætti að nást þar sem 45 manns hafa gefið blóð í dag.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.