10 þúsund manns á Secret Solstice í gær
Talið er að um 10.000 manns hafi verið á Secret Solstice í gærkvöldi en allt fór frekar vel fram að því er fram kemur í dagbók lögreglu. 15 fíkniefnamál komu upp í tengslum við hátíðina í gær.
Talsverður fjöldi hélt áfram að skemmta sér og endaði í miðbæ Reykjavíkur en það fór einnig vel fram. Mun minna var um um slagsmál og leiðindi en síðustu nótt.
Fjórir ökumenn voru handteknir fyrir að aka undir áhrifum fíkniefna og aðrir sex voru handteknir fyrir að aka undir áhrifum áfengis.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
