Lífið

Ferða­mönnum í Tsjernóbíl fjölgað um tugi prósenta eftir sam­nefnda þætti

Sylvía Hall skrifar
Ferðaskrifstofa sem býður upp á ferðir til Tsjernóbíl segir bókanir hafa aukist um 40% síðan samnefnd þáttaröð hóf göngu sína á HBO í maí. Reuters greinir frá.



Þáttaröðin hefur hlotið einróma lof gagnrýnenda og er hún með hæstu einkunn í sögu IMDB en þegar þetta er skrifað er einkunnina 9,7 af 10 mögulegum. Þá eiga Íslendingar fulltrúa í þáttunum en leikarinn Baltasar Breki Samper fer með eitt hlutverkanna.



Sjá einnig: Enginn þáttur fengið eins góðar viðtökur



Ferðirnar sem skrifstofan býður upp á innihalda leiðsögn á ensku og kostar slík ferð um hundrað dollara eða um það bil 12 þúsund íslenskar krónur.



Í apríl voru 33 ár liðin frá kjarnorkuslysinu í Tsjernóbíl-kjarnorkuverinu. Slysið varð eftir að öryggisprófun í fjórða kjarnakljúfi versins fór úrskeiðis. Í kjölfarið gaus gríðarmikið magn geislavirkra efna út í andrúmsloftið og dreifðist yfir álfuna. Um er að ræða stærsta kjarnorkuslys sögunnar.



Forstöðumaður einnar skrifstofunnar segir að 30% fleiri ferðamenn hafi farið með fyrirtækinu í skoðunarferð um svæðið í maí miðað við sama tíma fyrir ári síðan og bókanir fyrir næstu mánuði hafi aukist um 40%. Önnur skrifstofa segist búast við sambærilegri fjölgun eftir að þættirnir fóru í loftið.



Þættirnir fjalla um sögu þeirra sem unnu í verinu, bjuggu í kring og þeirra sem unnu að því að sporna við frekari eyðileggingu. Með aðalhlutverk fara Jared Harris, Stellan Skarsgaard og Emily Watson og eru þættirnir á dagskrá Stöðvar 2 á þriðjudagskvöldum.


Tengdar fréttir

Enginn þáttur fengið eins góðar viðtökur

Þættirnir Tsjernóbíl hafa heldur betur slegið í gegn um allan heim að undanförnu en þeir eru byggðir eru á atburðum sem áttu sér stað árið 1986 í Tsjernóbíl í Úkraínu.

Byggja á stærsta kjarnorkuslysi sögunnar

Tsjernóbíl hefur göngu sína á Stöð 2 annað kvöld. Þættirnir byggja á einu stærsta kjarnorkuslysi sögunnar þegar sprenging varð í kjarnorkuveri í Úkraínu árið 1986 og geislavirk efni sluppu út í andrúmsloftið í gífurlegu magni. Þrjátíu og þremur árum síðar sér ekki fyrir endann á áhrifum slyssins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.