Viðar Örn: Gæti endað aftur í Rússlandi
Framherjinn Viðar Örn Kjartansson er mættur í komandi landsliðsverkefni í flottu standi og sjálfstraustið í botni. Það hefur gengið vel hjá honum með Hammarby í Svíþjóð.
„Mér líður mjög vel og fór aðallega þangað til þess að fá að spila. Það hefur gengið upp og sjálfstraustið orðið betra. Ég er í toppformi núna og það er frábært,“ sagði Viðar Örn léttur í sólinni í Laugardalnum í morgun.
Selfyssingurinn er í láni hjá Hammarby en hann er enn samningsbundinn rússneska liðinu Rostov og á þrjú ár eftir af þeim samningi. Framtíðin er því óljós.
„Það er erfitt að segja hvað gerist. Ég gæti endað hvar sem er og mögulega gæti ég spilað með Rostov. Þetta er allt undir þeim komið. Þeir vilja mögulega fá mig aftur.“
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
