Skólastarf hefst á ný eftir eldsvoða
Skólastarf mun hefjast að nýju í Seljaskóla í Breiðholti í dag en starfsmenn skólans nýttu daginn í gær í hreinsun á skólanum eftir umfangsmikinn bruna sem varð í skólanum um helgina, en þetta staðfestir Magnús Þór Jónsson, skólastjóri í samtali við mbl.is.
Eins og Fréttablaðið hefur greint frá er tjónið á byggingunni þar sem eldurinn kom upp gífurlegt, bæði vegna elds- og vatnsskemmda, en 140-150 nemendur stunda nám í sex skólastofum álmunnar þar sem eldurinn kom upp.
Seljakirkja og félagsmiðstöðin Hólmasel hafa boðið skólastjórn að hýsa hluta af kennslu næstu vikurnar á meðan unnið er að viðgerðum á álmunni.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
