Innlent

Þór kjörinn nýr formaður Landsbjargar

Andri Eysteinsson skrifar
Þór Þorsteinsson, nýr formaður Landsbjargar.
Þór Þorsteinsson, nýr formaður Landsbjargar. Facebook/Björgunarsveitin Ok

Þór Þorsteinsson hefur verið kjörinn nýr formaður Slysavarnafélagsins Landsbjargar. Þór sem áður gegndi embætti varaformanns Landsbjargar tekur við starfinu af Smára Sigurðssyni sem gegnt hefur starfi síðan 2015, Smári gaf ekki kost á sér til endurkjörs.

Þór sem er fyrrum  formaður björgunarsveitarinnar Oks í Borgarfirði var einn þriggja formannsframbjóðanda en auk Þórs voru Guðjón Guðmundsson og Þorsteinn Þorkelsson í framboði.

Formannskosningarnar fóru fram á 11. Landsþingi Slysavarnafélagsins Landsbjargar sem sett var á Egilsstöðum, um 500 félagar sitja þingið og taka ákvarðanir um stefnur og strauma í starfi félagsins á næstu tveimur árum.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.