Félagsmenn VR samþykktu nýgerða kjarasamninga með 88,35% atkvæða. Já sögðu 6.277 félagsmenn og nei 700, eða 9,85%. Auð atkvæði voru 127 eða 1,7 prósent.
Á kjörskrá um samning VR og Samtaka atvinnulífsins voru 34.070 félagsmenn og greiddu 7.104 atkvæði. Kjörsókn var því 20,85%.
Frá þessu er greint í tilkynningu á vef VR.
Þar kemur jafnframt fram að kjarasamningur VR við Félag atvinnurekenda var samþykktur með 88,47% atkvæða. Já sögðu 399 félagsmenn og nei 47, eða 10,42%. Auð atkvæði voru fimm eða 1,1%.
Á kjörskrá um samning VR og FA voru 1699 félagsmenn og greiddu 451 atkvæði. Kjörsókn var því 26,55%.
Fyrr í dag var greint frá því að öll aðildarfélög Starfsgreinasambandsins hefðu einnig samþykkt kjarasamninga sína við SA. Í herbúðum SGS var kjörsókn heldur dræmari en hjá VR eða aðeins 12,78%.
Fréttin hefur verið uppfærð.
Félagsmenn VR samþykktu kjarasamninga
Tengdar fréttir
Efling samþykkir nýjan kjarasamning: Skora á ríkisvaldið og SA að standa sína plikt
Nýr kjarasamningur var samþykktur með miklum meirihluta.
Nýr kjarasamningur samþykktur hjá öllum félögum SGS
Samningurinn var samþykktur með miklum meirihluta en þátttaka í atkvæðagreiðslu var heldur dræm eða 12,78 prósent.
