SA samþykkti kjarasamninga með 98% atkvæða
Samtök atvinnulífsins hafa samþykkt kjarasamninga við verkafólk og verslunarmenn fyrir tímabilið 2019-2022 sem skrifað var undir 3. apríl. Samningarnir voru samþykktir með yfirgnæfandi meirihluta, 98% greiddra atkvæða, í rafrænni atkvæðagreiðslu aðildarfyrirtækja samtakanna, að því er fram kemur í tilkynningu frá SA.
Í tilkynningu segir að atkvæðagreiðslan sé í samræmi við samþykktir samtakanna. Atkvæðagreiðslan hófst 16. apríl og lauk kl. 11 í dag 24. apríl. Greidd voru atkvæði um alla samningana í einu á grundvelli atkvæðavægis aðildarfyrirtækja SA.
Þá hefur ný kaupgjaldskrá verið birt á vef SA í kjölfar samþykktar kjarasamninganna. Launabreytingar 1. apríl eru eftirfarandi:
- Kauptaxtar og mánaðarlaun fyrir fullt starf hækka um kr. 17.000.
- Lágmarkstekjutrygging hækkar í kr. 317.000 á mánuði.
- Orlofsuppbót er kr. 50.000 frá 1. maí 2019. Við hana bætist eingreiðsla, kr. 26.000, sem lýtur sömu útreikningsreglum og orlofsuppbótin.
- Desemberuppbót er kr. 92.000 á árinu 2019.
Tengdar fréttir
Efling samþykkir nýjan kjarasamning: Skora á ríkisvaldið og SA að standa sína plikt
Nýr kjarasamningur var samþykktur með miklum meirihluta.
Hefur áhyggjur af hótunum um verðhækkanir ÍSAM
Framkvæmdastjóri Bónuss segir lágverðsverslunina viðkvæma fyrir tilkynningum um verðhækkanir eins og þá sem forstjóri ÍSAM sendi frá sér á dögunum.
Nýr kjarasamningur samþykktur hjá öllum félögum SGS
Samningurinn var samþykktur með miklum meirihluta en þátttaka í atkvæðagreiðslu var heldur dræm eða 12,78 prósent.
