Innlent

Þjóðkjörnir fá ekki hækkun

Sigurður Mikael Jónsson skrifar
Bjarni Benediktsson, fjármála- og efnahagsráðherra.
Bjarni Benediktsson, fjármála- og efnahagsráðherra. Fréttablaðið/Anton Brink

Bjarni Benediktsson, fjármála- og efnahagsráðherra, hefur sent efnahags- og viðskiptanefnd Alþingis minnisblað, með samþykki ríkisstjórnarinnar, þar sem hann leggur til tvær breytingar á frumvarpi til breytinga á lögum vegna brottfalls laga um kjararáð.

Það felur meðal annars í sér að launahækkun þjóðkjörinna fulltrúa þann 1. júlí næstkomandi komi ekki til framkvæmda. Þá óskar Bjarni eftir heimild í eitt skipti til að hækka laun þjóðkjörinna fulltrúa, þingmanna, ráðherra og forseta Íslands, þann 1. janúar 2020 til samræmis við áætlaða breytingu á launum þann 1. júlí 2020.

Jafnframt er lagt til að ákvæði um heimild ráðherra til að hækka laun 1. janúar til samræmis við áætlaða breytingu á launum 1. júlí verði fellt út en ákvæðið er í nokkrum greinum frumvarpsins. Laun þjóðkjörinna fulltrúa hækkuðu sem kunnugt er um allt að 44 prósent haustið 2016.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.