Svörtu kassarnir úr flugvél Ethiopian Airlines fundnir
Svörtu kassarnir úr flugvél Ethiopian Airlines, sem fórst í Eþíópíu í gær, eru fundnir. Þetta kemur fram í frétt BBC. Kassarnir innihalda upptökur úr flugstjórnarklefanum sem og tölulegar upplýsingar úr mælum vélarinnar. Vonast er til þess að kassarnir geti varpað ljósi á orsök slyssins.
Flugvélin var á leið til Naíróbí frá Addis Ababa þegar vélin hrapaði við borgina Bishoftu, sex mínútum eftir flugtak. Allir 157 manns um borð fórust.
Forstjóri flugfélagsins, Tewolde GebreMariam, hefur gefið út að flugstjórinn hafði tilkynnt um tæknilega örðugleika og beðið um að snúa aftur til flugvallarins í Addis Ababa.
Sérfræðingar segja þó að ennþá sé of snemmt að geta sér til um hvað varð til þess að flugvélin hrapaði.
Kína, Eþíópía og Indónesía hafa kyrrsett allar vélar af sömu gerð.
Fréttin hefur verið uppfærð,
Tengdar fréttir
Norðmaður og fjórir Svíar fórust í flugslysinu
Ríkisborgarar frá yfir þrjátíu löndum voru um borð í vélinni en staðfest hefur verið að enginn komst lífs af úr slysinu.
Farþegaflugvél Ethiopian Airlines hrapaði á leið til Naíróbí
Forsætisráðherra Eþíópíu hefur staðfest að vél af gerðinni Boeing 737 hafi hrapað.
Flestir hinna látnu frá Kenía og Kanada
Skrifstofa forsætisráðherra Eþíópíu staðfesti í dag að allir sem voru um borð í flugvél Ethiopian Airlines létust þegar vélin hrapaði á leið sinni frá Addis Ababa til kenísku höfuðborgarinnar Naíróbí.
