Sigmundur Davíð og Anna Kolbrún í Bítinu
Uppfært kl. 8:35.
Viðtalinu er lokið. Það má heyra í heild sinni neðst í fréttinni.
Upprunalegu fréttina má lesa hér að neðan
Anna Kolbrún Árnadóttir og Sigmundur Davíð Gunnlaugsson, þingmenn Miðflokksins, verða gestir Bítisins á Bylgjunni. Anna og Sigmundur hafa verið fyrirferðamikil í fjölmiðlum að undanförnu í tengslum við Klausturmálið svokallaða.
Viðtalið við þau hefst um klukkan 08:05 og má hlusta á það hér að neðan.
Fjölmiðlar hafa síðustu daga átt í erfiðleikum með að fá viðbrögð þingmannanna sem sátu að sumbli á Klaustri þann 20. nóvember. Upptökur af samræðum þeirra hafa vakið mikla athygli, ekki síst fyrir óheflað orðbragð og mögulega saknæma úthlutun sendiherrastóla.
Þess hefur verið krafist að þingmenninir sex segi af sér þingmennsku vegna málsins. Um 90 prósent aðspurðra í nýrri könnun telja að Sigmundur eigi að segja af sér og um 74 prósent segja að Anna eigi að gera slíkt hið sama. Þá ræddi Anna Kolbrún við Morgunblaðið í morgun þar sem hún greinir ítarlega frá sinni hlið á málinu.
Viðtalið við þau Sigmund og Önnu Kolbrúnu má heyra hér að neðan.
Tengdar fréttir
Spyr hvaða fordómum sá býr yfir sem skrifaði fyrstu fréttina um selahljóðið og Freyju
Anna Kolbrún Árnadóttir, þingmaður Miðflokksins og einn sexmenninganna á Klaustur bar, er í ítarlegu viðtali við Morgunblaðið í dag en hún hefur lítið sem ekkert tjáð sig við fjölmiðla frá því að byrjað var að fjalla um upptökurnar af barnum fyrir viku síðan.
Miðflokkurinn næði ekki manni inn
Ný könnun Zenter fyrir Fréttablaðið og frettabladid.is sýnir Miðflokkinn með 4,3 prósenta fylgi og er gerð eftir að Klaustursmálið komst í hámæli.
