Kona sem flutt var á Landspítalann með þyrlu Landhelgisgæslunnar eftir alvarlegt slys í Steinsholtsá við Þórsmörk fyrr í dag er látin.



Konan var úrskurðuð látin þegar komið var á Landspítalann. Hún var á ferð með eiginmanni sínum þegar bíll sem þau óku stöðvaði í Steinsholtsá en töluvert vatn var í ánni.



Tildrög slyssins eru óljós en maðurinn var bæði blautur og kaldur þegar björgunarlið kom á staðinn.



Málið er til rannsóknar hjá lögreglunni á Suðurlandi.