Kanye segist vilja sofa hjá systrum Kim
Fjöllistamaðurinn Kanye West kom aðdáendum sínum á óvart með útgáfu nýs lag, XTCY, með plötusnúðnum og strigaskóasafnaranum DJ Clark Kent í gær. Textainnihald lagsins hefur vakið mikla athygli á samfélagsmiðlum þar sem Kanye segist vilja sofa hjá mágkonum sínum.
Óhætt er að segja að Kanye sé búinn að vera duglegur í sumar, en hann hefur gefið út tvær plötur sjálfur og útsett 3 aðrar fyrir listamennina Pusha T, Teyana Taylor og Nas.
Lagið opnar á þessum fleygu orðum:
„Ertu með sjúkar hugsanir? Ég er með meira af þeim, áttu mágkonu sem þú vilt sofa hjá? Ég á fjórar af þeim“
Hér á Kanye við systur eiginkonu sinnar, sem hafa allar gert garðinn frægan í raunveruleikaþáttunum Keeping Up With The Kardashians.
Titill lagsins, „XTCY,“ vísar í alsælu. Óvíst er hvort um eiturlyfið eða tilfinninguna sé að ræða en Kanye rappar í lok lags: „Ég hugsaði um þetta allt á alsælu.“
Hér að neðan er hægt að hlusta á umrætt lag.
Tengdar fréttir
Kanye West í skrautlegu viðtali hjá Kimmel: „Allt sem ég segi er frábært“
Rapparinn skrautlegi Kanye West var gestur hjá Jimmy Kimmel í gærkvöldi og fór hann mikinn eins og vanalega í viðtölum.
Kim Kardashian var nakin þegar Donald Trump hringdi
Kim Kardashian West var gestur í spjallþætti Jimmy Kimmel í gær og ræddi þar um heimsókn hennar til Donald Trump Bandaríkjaforseta í lok maí.
Kanye West greindur með geðhvarfasýki: „Ég er ofurhetja“
Kanye West greindist með geðhvarfasýki 39 ára gamall. Hann horfi á hana sem ofurkraft, ekki fötlun.
Hvað er í gangi hjá Kanye West?
Tíststormur rapparans hristi hressilega upp í aðdáendum og vinum hans og margir voru furðu lostnir.
