Enginn séra Jón hjá Liverpool: Létu lögregluna vita af hegðun Mo Salah

Mohamed Salah er vinsælasti leikmaður Liverpool í dag eftir stórkostlegt fyrsta tímabil hans á Anfield þar sem Mo var gjörsamlega óstöðvandi og skoraði 44 mörk.

Vinsældir Mohamed Salah og mikilvægi hans fyrir Liverpool kalla þó á enga sérmeðferð þegar kemur að því að hegða sér eins og maður utan vallar.

Mohamed Salah has been referred to the police by Liverpool after he was apparently filmed using a mobile phone while driving https://t.co/gxW6wvvOo3pic.twitter.com/4b5SkvjyHL

— BBC Sport (@BBCSport) August 13, 2018

Liverpool var ekkert að reyna að fela það þegar myndband fór í dreifingu þar sem Mohamed Salah sést vera að tala í síma og að keyra á sama tíma.

Liverpool tilkynnti þetta til lögreglunnar í borginni og Merseyside-lögreglan staðfesti það á Twitter eins og sést hér fyrir neðan:

We have been made aware of a video believed to show a footballer using a mobile phone whilst driving. This has been passed to the relevant department. Thanks for letting us know

— MerPolCC (@MerPolCC) August 13, 2018

Mohamed Salah sást setja mörg ung börn í hættu með einbeitingarleysi sínu því bíll hans er umkringdur ungum aðdáendum en hann er bara í símanum.

Forráðamenn Liverpool funduðu með Mohamed Salah um málið og ákváðu í framhaldinu að senda tilkynningu til lögreglunnar. Talsmaður sagði BBC að það sé ætlunin að taka á þessu innanhúss.

Hvorki félagið eða Mohamed Salah munu tjá sig frekar um þetta mál.

Lögreglan hefur viðkomandi deild fá þetta mál í hendurnar og Mohamed Salah gæti fengið einhverja sekt. Hann passar sig vonandi síðan á þessu í framtíðinni.