Sarri vann fyrsta leikinn sem stjóri Chelsea

Chelsea vann Perth Glory með einu marki gegn engu í fyrsta æfingaleik sínum á undirbúningstímabilinu. Pedro skoraði eina mark leiksins á fimmtu mínútu.

Nýi knattspyrnustjórinn Maurizio Sarri stýrði liðinu í fyrsta skipti í Ástralíu í dag og hófst þjálfaraferill hans hjá Chelsea á sigri.

Ítalinn Jorginho var í byrjunarliði Chelsea í fyrsta skipti í leiknum en hann kom til liðsins frá Napólí fyrr í sumar líkt og knattspyrnustjórinn.

Eina mark leiksins kom snemma leiks. Hudson-Odoi átti sprett upp vinstri vænginn og fer framhjá varnarmanninum. Sending hans inn á teiginn var frábær og Pedro skoraði auðveldlega í markið.

Chelsea var mun sterkara liðið í fyrri hálfleik og hefði auðveldlega getað verið með stærri forystu. Perth átti nokkur færi til þess að jafna leikinn í seinni hálfleik en varnarmenn Chelsea héldu markinu hreinu.

Næsti leikur Chelsea er gegn Inter Milan á sunnudaginn og fer fram í Nice.

Maurizio Sarri's first game as Chelsea head coach ends in victory Down Under!  #CFCinPerthpic.twitter.com/qPLKGJIoxs

— Chelsea FC (@ChelseaFC) July 23, 2018