Innlent

Hlutfall kvenna í sveitarstjórnum aldrei hærra

Elín Margrét Böðvarsdóttir skrifar
Hlutfall kvenna í sveitarstjórnum eykst milli kjörtímabila. Að loknum kosningunum í gær er hlutfall kvenna hæst í Fjallabyggð og lægst í Mosfellsbæ og Árborg, sé litið til 22 stærstu sveitarfélaganna.
Hlutfall kvenna í sveitarstjórnum eykst milli kjörtímabila. Að loknum kosningunum í gær er hlutfall kvenna hæst í Fjallabyggð og lægst í Mosfellsbæ og Árborg, sé litið til 22 stærstu sveitarfélaganna. vísir/Gvendur

Hlutfall kvenna í sveitarstjórnum er hærra en nokkru sinni fyrr að loknum sveitarstjórnakosningunum í gær. Þegar horft er til stærstu sveitarfélaganna er hlutfall kvenna hæst í Fjallabyggð en lægst í Mosfellsbæ og i Ölfusi.

Á síðasta kjörtímabili voru borgarfulltrúar í Reykjavík 15 talsins. Núna aftur á móti eru konurnar 15 eða um 65% allra borgarfulltrúa í Reykjavík. 

Þegar landið er skoðað í heild voru 236 konur kjörnar í sveitarstjórn og eru 47% kjörinna fulltrúa konur en 53% eru karlar. Þannig hefur hlutur kvenna aukist frá síðasta kjörtímabili þegar 44% sveitarstjórnafulltrúa voru konur en 56% karlar. Að loknum kosningum í gær hefur kynjahlutfall í sveitarstjórnum á landsvísu aldrei verið jafnara.

Þegar horft er til 22 stærstu sveitarfélaganna er hlutfall kvenna hæst í Fjallabyggð eða rúmlega 71% en lægst í Mosfellsbæ og í Árborg, eða rúm 22%. Í einu sveitarfélagi skipa karlar öll sæti í sveitarstjórn en það er í Borgarfjarðarhreppi þar sem fram fór óbundin kosning.

Þegar horft er til sveitarfélaganna sex á höfuðborgarsvæðinu stendur kynjahlutfall í stað á Seltjarnarnesi. Konum fjölgar aftur á móti bæði í Reykjavík, Kópavogi og Garðabæ en fækkar Hafnarfirði og í Mosfellsbæ þar sem aðeins tvær konur náðu kjöri en þær voru fjórar á síðasta kjörtímabili. Í fjórum af sveitarfélögunum sex eru kynjahlutföll eins jöfn og unnt er, en Reykjavík og Mosfellsbær skera sig úr.
Fréttin hefur verið uppfærð.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.