Macron sagði óvart að eiginkona forsætisráðherra væri gómsæt

Emmanuel Macron, forseta Frakklands, virðist hafa orðið fótaskortur á tungunni í morgun þegar hann lýsti því óvænt yfir að eiginkona ástralska forsætisráðherrans væri gómsæt á bragðið.



Næsta víst má telja að Macron hafi verið að hugsa um franska orðið délicieux, sem getur þýtt yndisleg. Hann greip hins vegar óvart til enska orðsins delicious sem er oftast notað yfir bragðgóðan mat en getur þó stundum verið notað í víðara samhengi.



Macron er á ferð og flugi um heiminn þessa dagana til að hitta erlenda þjóðarleiðtoga og kom til Ástralíu í gær.