Myndaklúður í minningargreinum Moggans komið í heimsfréttirnar

Þau leiðinlegu mistök eru í Morgunblaðinu í dag að mynd af Ed Sheeran fylgir með minningargrein manns sem lést hér á landi á dögunum.

Mynd af Sheeran má sjá við minningargrein Íslendings sem lést 19. desember á síðasta ári. Maðurinn fæddist árið 1935 en sjálfur er söngvarinn fæddur árið 1991. Vísir greindi frá málinu fyrr í dag en nú er málið komið í heimsfréttirnar. Breski miðillinn Metro greinir frá málinu og hefur það einnig ratað á Twitter.

Sheeran er einn allra vinsælasti tónlistarmaður heims í dag og selst upp á alla hans tónleika, hvar sem hann kemur fram.

Það þarf því ekki að koma á óvart að slík mistök farið í fréttir erlendis.