Sara og stöllur komnar með annan fótinn í 16-liða úrslitin | Góður sigur hjá Maríu

Sara Björk Gunnarsdóttir og stöllur hennar í Wolfsburg eru svo gott sem komnar í 16-liða úrslit Meistaradeildar Evrópu eftir 0-3 útisigur á Atlético Madrid í fyrri leik liðanna í 32-liða úrslitum í kvöld.

Sara var á sínu stað í byrjunarliði Wolfsburg og lék fyrstu 84 mínúturnar.

Staðan var markalaus í hálfleik en seinni hálfleikurinn var aðeins tveggja mínútna gamall þegar Pernille Harder kom Wolfsburg yfir.

Silvia Meseguer skoraði sjálfsmark á 78. mínútu og átta mínútum síðar gerði Ewa Pajor þriðja mark þýsku meistaranna sem verða að öllum líkindum í pottinum þegar dregið verður í 16-liða úrslitin.

Norska landsliðskonan María Þórisdóttir lék allan leikinn í miðri vörn Chelsea sem bar sigurorð af Bayern München, 1-0, á heimavelli. Seinni leikurinn fer fram í Þýskalandi eftir viku.