Nice krækir í ungan leikmann frá Monaco

Nice bætti við sig öðrum leikmanni í dag ásamt Wesley Sneijder. Kantmaðurinn ungi Allan Saint-Maximin hefur gengið í raðir félagsins frá Monaco.

Saint-Maximin sem var á láni hjá Bastia í frönsku úrvalsdeildinni á síðasta tímabili og hjá Hannover í Þýskalandi tímabilið á undan varð tvítugur í mars á þessu ári.

Hann ólst upp hjá Saint-Étienne í Frakklandi og lék þar 12 leiki áður en hann gekk til liðs við Monaco. Dvölin hjá Monaco gekk ekki eftir en hann náði aðeins að leika einn leik með aðalliðinu.

Forráðamenn Nice eru engu að síður spenntir fyrir þessum efnilega leikmanni sem hefur leikið 25 landsleiki fyrir yngri landslið Frakka.