Fótbolti

Kolo Touré dansaði við lagið um sjálfan sig | Myndband

Ingvi Þór Sæmundsson skrifar
Kolo Touré og félagar eru búnir að tryggja sér skoska meistaratitilinn þótt enn séu átta umferðir eftir af deildinni.
Kolo Touré og félagar eru búnir að tryggja sér skoska meistaratitilinn þótt enn séu átta umferðir eftir af deildinni. vísir/getty
Kolo Touré varð í dag skoskur meistari með Celtic eftir 0-5 sigur á Hearts.

Touré er mikill snillingur og í búningsklefanum eftir leikinn sungu leikmenn Celtic lagið um Kolo og bróður hans, Yaya Touré sem leikur með Manchester City.

Touré var greinilega hæstánægður með sönginn og steig létt dansspor eins og sjá mér í myndbandinu hér að neðan.

Brendan Rodgers endurnýjaði kynnin við Touré þegar hann tók við Celtic í sumar en þeir störfuðu áður saman hjá Liverpool.

Touré hefur nú orðið landsmeistari með þremur félögum. Hann vann enska meistaratitilinn með Arsenal 2004 og endurtók leikinn með Man City átta árum síðar. Og í dag bættist skoski meistaratitilinn í safn Fílbeinsstrendingsins.

Fótbolti

Tengdar fréttir

Mest lesið


Fleiri fréttir

Sjá meira


×

Mest lesið