Auglýsa á breytingar á aðalskipulagi og deiliskipulagi svo hægt verði að byggja nýja sundlaug í Þjórsárdal og gistiaðstöðu þar hjá. Þetta var samþykkt í skipulagsnefnd Skeiða- og Gnúpverjahrepps þremur dögum fyrir jól.
„Áætlanir eru um að byggja upp baðstað á svæðinu með laugasvæði fyrir almenning, ásamt búningsaðstöðu, veitingastað og gistiaðstöðu í allt að 40 herbergjum/gistirýmum. Mannvirki verða á allt að tveimur hæðum og felld að landi eins og kostur er,“ segir í skipulagslýsingu.
Það er Rauðikambur ehf. sem stendur að verkefninu. Félagið er í eigu Ragnheiðar B. Sigurðardóttur, Ellerts K. Schram og Magnúsar Orra Schram, fyrrverandi alþingismanns.
Ný laug og hótel rísa í Þjórsárdal
Tengdar fréttir
Gera ráð fyrir að hefja starfsemi veturinn 2019
Sveitarstjórn Skeiða- og Gnúpverjahrepps samþykkti á fundi sínum í gær lýsingu að deiliskipulagi fyrir lóð fyrir ferðaþjónustu við Reykholt í Þjórsárdal.
