Aron Einar og Heimir völdu Ronaldo bestan

Aron Einar Gunnarsson og Heimir Hallgrímsson völdu báðir Cristiano Ronaldo sem besta leikmann heims.

Ronaldo var í kvöld krýndur bestur í heimi af Alþjóðaknattspyrnusambandinu.

Valið var meðal annars byggt á kosningu landsliðsfyrirliða og landsliðsþjálfara heimsins og má sjá hvernig allir kusu hér.

Aron Einar setti Neymar í annað sæti og Króatann Luka Modric í það þriðja. Heimir var einnig með Neymar í öðru sæti, en setti Luis Suarez í það þriðja.

Ronaldo er landsliðsfyrirliði Portúgal, og því með atkvæðarétt. Hann kaus hins vegar eki sjálfan sig, heldur setti Modric í fyrsta sæti, Sergio Ramos í annað og Marcelo í það þriðja.