Mario Balotelli með nýja ljónið sitt í fanginu

Mario Balotelli er orðinn faðir og að sjálfsögðu fór hann er ekki venjulegu leiðina þegar hann ákvað nafnið á strákinn sinn.

Mario Balotelli hefur fundið sig mun betur hjá franska liðinu Nice heldur en hann gerði í ensku úrvalsdeildinni með Liverpool og er ekki jafnduglegur að koma sér í vandræði og þegar hann lék með liði Manchester City.

Fréttir bárust af því í síðasta mánuði að Mario Balotelli og kærasta hans Clelia væru búin að eignast barn saman.

Balotelli hefur nú staðfest það að hann sé orðinn faðir með því að birta mynd af sér og syninum á Instagram.

Mario Balotelli fer oftast aðrar leiðir en samferðafólk hans og nafnið á drengnum þarf því ekki að koma mikið á óvart.

Strákurinn fékk nefnilega nafnið Lion eða Ljón upp á íslenska tungu. Hér fyrir neðan má sjá Mario Balotelli með nýja ljónið sitt í fanginu. Sannarlega sæt mynd af þeim feðgum.

 

Good night  #Father&Son

A post shared by Mario Balotelli (@mb459) on Oct 16, 2017 at 4:10pm PDT

Mario Balotelli hefur líka verið í miklu stuði eftir að hann varð faðir en þessi öflugi framherji er með fimm mörk í síðustu fimm leikjum sínum í frönsku deildinni.