Mbappé, Dembélé og Rashford koma til greina sem Gulldrengurinn 2017

Kylian Mbappé, Gabriel Jesus, Ousmane Dembélé og Marcus Rashford eru meðal þeirra sem eru tilnefndir sem Gulldrengurinn 2017.

Þessi verðlaun eru veitt besta leikmanni í Evrópu 21 árs og yngri. Ítalska blaðið Tuttosport stendur fyrir kosningunni.

Mbappé er talinn líklegastur til að fá þessi verðlaun en hann átti frábært tímabil með Monaco í fyrra og gekk svo í raðir Paris Saint-Germain um síðustu mánaðarmót.

Rashord, sem lenti í 2. sæti í kjörinu í fyrra, er einn sex Englendinga á meðal þeirra 25 sem eru tilnefndir. Ekkert land á fleiri fulltrúa á listanum yfir þá sem tilnefndir eru.

Hinir Englendingarnir eru Dominic Solanke og Joe Gomez hjá Liverpool, Dominic Calvin-Lewin hjá Everton, Kyle Walker-Peters hjá Tottenham og Reece Oxford hjá Borussia Mönchengladbach.

The 25-man shortlist for the 2017 Golden Boy award is herepic.twitter.com/rbQbDM1VS7

— B/R Football (@brfootball) September 19, 2017