Rúnar í byrjunarliði í fyrsta sigri Grasshoppers

Hallgrímur Jónasson var í byrjunarliði Lyngby þegar liðið tapaði 3-0 fyrir Hobro í dönsku úrvalsdeildinni í dag.

Quincy Antipas skoraði fyrra mark Hobro á 31. mínútu og Paal Kirkevold innsiglaði svo sigurinn með tveimur mörkum í uppbótartíma.

Lyngby er í næstneðsta sæti deildarinnar með fjögur stig eftir sex leiki.

Rúnar Sigurjónsson spilaði allan leikinn fyrir Grasshoppers sem sigraði St Gallen 2-0 í svissnesku úrvalsdeildinni.

Daninn Lucas Andersen skoraði fyrsta mark leiksins á 55. mínútu og Ridge Munsy tvöfaldaði forystu Grasshopers á 79. mínútu.

Þetta er fyrsti sigur Grasshoppers á tímabilinu þegar fimm umferðum er lokið.