Skoruðu sjálfsmark eftir fjórtán sekúndur

Eitthvert ótrúlegasta sjálfsmark sem skorað hefur verið í knattspyrnuleik leit dagsins ljós í Eistlandi á þriðjudag. Paide lenti þá 1-0 undir eftir aðeins fjórtán sekúndur gegn Levadia.

Eins og sjá má í myndbandinu hér fyrir neðan, sem breska blaðið Guardian birtir, má sjá hvernig leikmenn Paida gefa boltann sín á milli þar til að hann hafnar í eigin marki.

Magnus Karofeld, markvörður Paida, fékk boltann aftur til sín en misreiknaði sig og missti hann fram hjá sér í eigið mark.

Fall reyndist ekki fararheill í þessu tilviki þar sem að Paide tapaði leiknum, 3-1.