Coutinho á leið til PSG?

Forráðamenn franska stórliðsins Paris Saint-Germain eru sagðir á höttunum eftir hinum brasilíska Philippe Coutinho. Þetta kemur fram í franska blaðinu L'Equipe í morgun.

Fyrsti valkostur PSG er leikmaður Mónakó, Kylian Mbappe, en L'Equipe heldur því fram að Coutinho sé plan B hjá Parísarliðinu.

Áætlaður verðmiði Liverpool á Coutinho er í kringum 80 milljónir punda. Liverpool munu vera tregir til að selja Coutinho nema þeir geti tryggt sér mann í hans stað, enda brasilíski sóknartengiliðurinn mikilvægur hlekkur í þeirra liði.

Coutinho hefur spilað 138 deildarleiki fyrir Liverpool og skorað í þeim 34 mörk.