Mourinho ákærður fyrir skattsvik

José Mourinho, knattspyrnustjóri Manchester United, hefur verið ákærður fyrir skattsvik á Spáni frá því hann stýrði Real Madrid þar í landi frá 2010-2013. BBC greinir frá.

Portúgalinn er sakaður um að hafa stungið 3,3 milljónum evra eða 335 milljónum íslenskra króna undan skatti frá 2011 til 2012.

Hann er ekki fyrsta stórstjarnan í fótboltanum á Spáni sem lendir í skattayfirvöldum en búið er að dæma Lionel Messi og þá mun Cristiano Ronaldo bera vitni í sínu máli í júlí.

Mourinho hefur ekki enn þá tjáð sig um ákæruna.

José Mourinho stýrði Real Madrid til Spánarmeistaratitilsins árið 2013 og þá vann hann bikarinn árið 2011.