Mancini kominn með nýtt starf

Roberto Mancini hefur verið ráðinn knattspyrnustjóri Zenit frá Pétursborg.

Hinn 52 ára gamli Mancini tekur við stjórastarfinu hjá Zenit af Mircea Lucescu sem var látinn taka pokann sinn í síðustu viku.

Mancini er reyndur stjóri. Hann var lengi vel við stjórnvölinn hjá Inter og þá gerði hann Manchester City Englandsmeisturum 2012.

Mancini var síðast við stjórnvölinn hjá Inter en hætti þar í ágúst í fyrra.

Zenit endaði í 3. sæti rússnesku úrvalsdeildarinnar á síðasta tímabili og mistókst að tryggja sér sæti í Meistaradeild Evrópu.