UEFA íhugar að breyta vítaspyrnukeppnunum | Vilja sjá ABBA-kerfið í framtíðinni

Knattspyrnusamband Evrópu, UEFA, er að skoða þann möguleika að breyta fyrirkomulagi vítaspyrnukeppna í leikjum á sínum vegum.

Nýjar vítaspyrnureglur hafa verið kynntar til leiks og verða prófaðar á úrslitamóti sautján ára landsliða sem hófst í Króatíu í þessari viku.

Mörgum finnst vítaspyrnukeppnir vera mjög ósanngjörn leið til að gera út um mikilvægustu landsleiki á ferlum leikmanna. Þær munu þó áfram ráða úrslitum í jöfnunar útsláttarleikjum því UEFA verður áfram með vítakeppnir. Vítaspyrnukeppnirnar munu hinsvegar breytast úr ABAB fyrirkomulagi í í ABBA fyrirkomulag.

Eins og reglurnar eru í dag þá skiptast liðin á því að taka vítin. Lið A byrjar og svo tekur lið B sína fyrstu spyrnu og svo framvegis þar til bæði lið hafa tekið fimm vítaspyrnur.

Breytingatillaga UEFA-manna hefur það markið að reyna að minnka forskot þess liðs sem tekur fyrstu spyrnuna en tölfræðin sýnir að 60 prósent liða sem taka fyrstu spyrnu vinna vítaspyrnukeppnirnar.

Nýja fyrirkomulagi er svokallað snákafyrirkomulag eða ABBA-kerfi eins og BBC setur þetta upp í frétt sinni. Lið A tekur þá fyrstu spyrnu en svo fær B að taka tvær spyrnur í röð. A tekur síðan næstu tvær spyrnu og svo framvegis.

Með þessu skiptast liðin á því að setja pressu á hitt liðið en kenningin er sú að í dag sé mun meiri pressa á þeim leikmanni sem tekur seinni spyrnuna í hverri umferð.

Það verður athyglisvert að sjá hvernig nýja vítaspyrnukerfið kemur út í Króatíu fari svo að einhver leikjanna endi í vítaspyrnukeppnum.