Rúnar og félagar með mikilvægan sigur í Liechtenstein

Rúnar Már Sigurjónsson lék allan leikinn í sigri Grasshopper á Vaduz í svissnesku úrvalsdeildinni í knattspyrnu, 4-2. Leikið var í Liechtenstein, þar sem höfuðstöðvar Vaduz liðsins eru.

Rúnar Már komst ekki á blað í markaskorun en Grasshopper lenti tvisvar undir í leiknum. Grasshopper gerði hins vegar út um leikinn með þremur mörkum á fimm mínútna kafla í síðari hálfleik.

Grasshopper er í 7. sæti eftir sigurinn með 33 stig þegar fimm umferðir eru eftir. Vaduz er hins vegar í 10. og neðsta sæti með 26 stig.