Ajax einu stigi á eftir Feyenoord - Albert í hóp

Albert Guðmundsson var í leikmannahópi PSV í fyrsta sinn á þessari leiktíð þegar liðið heimsótti Groningen í hollensku úrvalsdeildinni í knattspyrnu. Albert kom þó ekki við sögu en leikurinn endaði 1-1.

Feyenoord frá Rotterdam hefði getað tryggt sér hollenska meistaratitilinn. Liðið heimsótti Excelsior og sótti ekki gull í þeirra greipar gestgjafanna því Excelsior vann 3-0 sigur.

Ajax greip gæsina og vann öruggan 4-0 sigur á Go Ahead Eagles á heimavelli. Feyenoord er því einungis með eins stigs forskot á Ajax fyrir lokaumferðina. Feyenoord fær þá Heracles í heimsókn á sama tíma og Ajax heimsækir Willem II.