Annar íslenskur landsliðsmarkvörður fagnaði líka sigri í kvöld

Þetta var gott kvöld fyrir landsliðsmarkverðina okkar því Ögmundur Kristinsson fagnaði þá sigri með liði sínu alveg eins og Rúnar Alex Rúnarsson fyrr í kvöld.

Ögmundur stóð þá í marki Excelsior sem vann 3-1 útisigur á Twente í hollensku úrvalsdeildinni.

Ögmundur fékk reyndar á sig mark eftir aðeins tveggja mínútna leik en hélt marki sínu hreinu síðustu 88 mínúturnar á meðan útileikmenn Excelsior skoruðu þrjú mörk og tryggðu sér flottan sigur.

Excelsior liðið komst upp í áttunda sætið með þessum sigri en liðið hefur náð í sjö stig af níu mögulegum í síðustu þremur leikjum.



Hér fyrir neðan má sjá Ögmund og félaga fagna sigri með stuðningsmönnum sínum.

Heerlijke overwinning in Enschede! #tweexc#strijdenenwinnen  pic.twitter.com/TWZCfYnpgm

— Excelsior Rotterdam (@excelsiorrdam) October 27, 2017