Rekinn fjórum dögum fyrir fyrsta leik

Hearts hefur sagt knattspyrnustjóranum Ian Cathro upp störfum, aðeins fjórum dögum fyrir fyrsta leik liðsins í skosku úrvalsdeildinni á tímabilinu.

Cathro tók við Hearts í desember á síðasta ári og undir hans stjórn endaði liðið í 5. sæti skosku deildarinnar.

Hearts styrkti leikmannahópinn í sumar og fékk m.a. norður-írska framherjann Kyle Lafferty.

Hann lék allan leikinn þegar Hearts féll úr leik í skoska deildabikarnum fyrir Dunfermline á laugardaginn.

Tapið þótti mjög óvænt og virðist hafa kostað hinn 31 árs gamla Cathro starfið.

Stjóralausum Hearts-mönnum bíður afar erfitt verkefni í 1. umferð skosku deildarinnar en þá mæta þeir meisturum Celtic á útivelli.